Mwanzo - Sura ya 36

¹Hivi ndivyo vizazi vya Esau, ndiye Edomu.

²Esau alitwaa binti za Kanaani, kuwa wakeze; Ada, binti Eloni, Mhiti, na Oholibama, binti Ana, binti Sibeoni, Mhivi;

³na Basemathi, binti Ishmaeli, nduguye Nebayothi.

⁴Ada akamzalia Esau Elifazi; na Basemathi alizaa Reueli.

⁵Oholibama alizaa Yeushi, na Yalamu, na Kora. Hao ndio wana wa Esau aliozaliwa katika nchi ya Kanaani.

⁶Esau akawatwaa wakeze, na wanawe, na binti zake, na watu wote wa nyumbani mwake, na ng'ombe zake, na wanyama wake wote, na mali yake yote, aliyoyapata katika nchi ya Kanaani; akaenda mpaka nchi iliyo mbali na Yakobo nduguye.

⁷Maana mali yao yalikuwa mengi wasiweze kukaa pamoja, wala haikuweza nchi ya kusafiri kwao kuwachukua, kwa sababu ya wanyama wao.

⁸Esau akakaa katika mlima Seiri, Esau ndiye Edomu.

⁹Hivi ni vizazi vya Esau, baba ya Edomu katika mlima Seiri.

¹⁰Haya ndiyo majina ya wana wa Esau; Elifazi, mwana wa Ada mkewe Esau. Reuli, mwana wa Basemathi, mkewe Esau.

¹¹Na wana wa Elifazi, ni Temani na Omari, na Sefo, na Gatamu, na Kenazi.

¹²Na Timna alikuwa suria wa Elifazi, mwana wa Esau; naye akamzalia Elifazi Amaleki. Hao ndio wana wa Ada, mkewe Esau.

¹³Na hawa ni wana wa Reueli, Nahathi, na Zera, na Shama na Miza. Hao walikuwa wana wa Basemathi, mkewe Esau.

¹⁴Na hawa ni wana wa Oholibama, binti Ana, binti Sibeoni, mkewe Esau; akamzalia Esau, Yeushi, na Yalamu, na Kora.

¹⁵Hawa ndio majumbe wao wana wa Esau; wana wa Elifazi, mzaliwa wa kwanza wa Esau; jumbe Temani, jumbe Omari, jumbe Sefo, jumbe Kenazi,

¹⁶jumbe Kora, jumbe Gatamu, jumbe Amaleki. Hao ndio majumbe, waliotoka kwa Elifazi katika nchi ya Edomu. Hao ni wana wa Ada.

¹⁷Na hawa ni wana wa Reueli, mwanawe Esau; jumbe Nahathi, jumbe Zera, jumbe Shama, jumbe Miza. Hao ndio majumbe waliotoka kwa Reueli katika nchi ya Edomu. Hao ni wana wa Basemathi, mkewe Esau.

¹⁸Na hawa ni wana wa Oholibama, mkewe Esau; jumbe Yeushi, jumbe Yalamu, jumbe Kora. Hao ndio majumbe waliotoka kwa Oholibama, binti Ana, mkewe Esau.

¹⁹Hao ni wana wa Esau, na hao ndio majumbe wao; naye Esau ndiye Edomu.

²⁰Hawa ni wana wa Seiri, Mhori, wenyeji wa nchi ile; Lotani, na Shobali, na Sibeoni, na Ana,

²¹na Dishoni, na Eseri, na Dishani. Hao ndio majumbe waliotoka katika Wahori, wana wa Seiri, katika nchi ya Edomu.

²²Na wana wa Lotani, ni Hori, na Hemamu; na umbu lake Lotani ni Timna.

²³Na hawa ni wana wa Shobali, Alvani, na Manahathi, na Ebali, na Shefo, na Onamu.

²⁴Na hawa ni wana wa Sibeoni, Aya, na Ana; ni yule Ana aliyeona chemchemi za maji ya moto katika jangwa, alipokuwa akichunga punda za Sibeoni babaye.

²⁵Na hawa ni wana wa Ana, Dishoni, na Oholibama, binti Ana.

²⁶Na hawa ni wana wa Dishoni, Hemdani, na Eshbani, na Ithrani, na Kerani.

²⁷Na hawa ni wana wa Eseri, Bilhani, na Zaawani, na Akani.

²⁸Na hawa ni wana wa Dishani, Usi, na Arani.

²⁹Hawa ndio majumbe waliotoka katika Wahori; jumbe Lotani, jumbe Shobali, jumbe Sibeoni, jumbe Ana,

³⁰jumbe Dishoni, jumbe Eseri jumbe Dishani. Hao ndio majumbe waliotoka katika Wahori, kwa habari za majumbe yao, katika nchi ya Seiri.

³¹Na hawa ndio wafalme waliomiliki katika nchi ya Edomu, kabla ya kumiliki mfalme ye yote juu ya wana wa Israeli.

³²Bela wa Beori alimiliki katika Edomu, na jina la mji wake ni Dinhaba.

³³Akafa Bela, akamiliki Yobabu mwana wa Zera, wa Bosra, badala yake.

³⁴Akafa Yobabu, akamiliki Hushamu, wa nchi ya Watemani, badala yake.

³⁵Akafa Hushamu, akamiliki Hadadi wa Bedadi badala yake, naye ndiye aliyepiga Midiani katika nyika ya Moabu, na jina la mji wake ni Avithi.

³⁶Akafa Hadadi, akamiliki Samla wa Masreka badala yake.

³⁷Akafa Samla, na Shauli wa Rehobothi, ulio karibu na mto, akamiliki badala yake.

³⁸Akafa Shauli, akamiliki Baal-hanani, mwana wa Akbori, badala yake.

³⁹Akafa Baal-hanani, mwana wa Akbori, akamiliki Hadadi badala yake; na jina la mji wake ni Pau; na jina la mkewe ni Mehetabeli, binti Matredi, binti Mezahabu.

⁴⁰Na hayo ndiyo majina ya majumbe waliotoka kwa Esau, kufuata jamaa zao, na mahali pao, kwa majina yao. Jumbe Timna, jumbe Alva, jumbe Yethethi,

⁴¹jumbe Oholibama, jumbe Ela, jumbe Pinoni,

⁴²jumbe Kenazi, jumbe Temani, jumbe Mibsari,

⁴³jumbe Magdieli, jumbe Iramu. Hao ndio majumbe wa Edomu, kufuata makao yao, katika nchi ya mamlaka yao. Naye huyo ndiye Esau, baba ya Edomu.