Zaburi - Sura ya 121

¹Nitayainua macho yangu niitazame milima, Msaada wangu utatoka wapi?

²Msaada wangu u katika Bwana, Aliyezifanya mbingu na nchi.

³Asiuache mguu wako usogezwe; Asisinzie akulindaye;

⁴Naam, hatasinzia wala hatalala usingizi, Yeye aliye mlinzi wa Israeli.

⁵Bwana ndiye mlinzi wako; Bwana ni uvuli mkono wako wa kuume.

⁶Jua halitakupiga mchana, Wala mwezi wakati wa usiku.

⁷Bwana atakulinda na mabaya yote, Atakulinda nafsi yako.

⁸Bwana atakulinda utokapo na uingiapo, Tangu sasa na hata milele.