Zaburi - Sura ya 127

¹Bwana asipoijenga nyumba Waijengao wafanya kazi bure. Bwana asipoulinda mji Yeye aulindaye akesha bure.

²Kazi yenu ni bure, mnaoamka mapema, Na kukawia kwenda kulala, Na kula chakula cha taabu; Yeye humpa mpenzi wake usingizi.

³Tazama, wana ndio urithi wa Bwana, Uzao wa tumbo ni thawabu.

⁴Kama mishale mkononi mwa shujaa, Ndivyo walivyo wana wa ujanani.

⁵Heri mtu yule Aliyelijaza podo lake hivyo. Naam, hawataona aibu Wanaposema na adui langoni.