Zaburi - Sura ya 61

¹Ee Mungu, ukisikie kilio changu, Uyasikilize maombi yangu.

²Toka mwisho wa nchi nitakulilia nikizimia moyo, Uniongoze juu ya mwamba nisioweza kuupanda.

³Kwa maana ulikuwa kimbilio langu, Ngome yenye nguvu adui asinipate.

⁴Nitakaa katika hema yako milele, Nitaikimbilia sitara ya mbawa zako

⁵Maana Wewe, Mungu, umezisikia nadhiri zangu. Umewapa urithi wao waliogopao jina lako.

⁶Utaziongeza siku za mfalme, Miaka yake itakuwa kama vizazi vingi.

⁷Atakaa mbele za Mungu milele, Ziagize fadhili na kweli zimhifadhi.

⁸Ndivyo nitakavyoliimbia jina lako daima, Ili niondoe nadhiri zangu kila siku.