Zaburi - Sura ya 70

¹Ee Mungu, uniokoe, Ee Bwana, unisaidie hima.

²Waaibike, wafedheheke, Wanaoitafuta nafsi yangu. Warudishwe nyuma, watahayarishwe, Wapendezwao na shari yangu.

³Warudi nyuma, na iwe aibu yao, Wanaosema, Ewe! Ewe!

⁴Washangilie, wakufurahie, Wote wakutafutao. Waupendao wokovu wako Waseme daima, Atukuzwe Mungu.

⁵Nami ni maskini na mhitaji, Ee Mungu, unijilie kwa haraka. Ndiwe msaada wangu na mwokozi wangu, Ee Bwana, usikawie.