Zaburi - Sura ya 76

¹Katika Yuda Mungu amejulikana, Katika Israeli jina lake ni kuu.

²Kibanda chake pia kiko Salemu, Na maskani yake iko Sayuni.

³Huko ndiko alikoivunja mishale ya uta, Ngao, na upanga, na zana za vita.

⁴Wewe U mwenye fahari na adhama, Toka milima ya mateka.

⁵Wametekwa wenye moyo thabiti; Wamelala usingizi; Wala hawakuiona mikono yao Watu wote walio hodari.

⁶Kwa kukemea kwako, Ee Mungu wa Yakobo, Gari na farasi wameshikwa na usingizi mzito.

⁷Wewe ndiwe utishaye, naam, Wewe; Naye ni nani awezaye kusimama ufanyapo hasira?

⁸Toka mbinguni ulitangaza hukumu; Nchi iliogopa, ikakaa kimya.

⁹Mungu aliposimama ili kuhukumu Na kuwaokoa wapole wa dunia wote pia.

¹⁰Maana hasira ya binadamu itakusifu, Masalio ya hasira utajifunga kama mshipi.

¹¹Wekeni nadhiri, mkaziondoe Kwa Bwana, Mungu wenu. Wote wanaomzunguka wamletee hedaya, Yeye astahiliye kuogopwa.

¹²Yeye huzikata roho za wakuu; Na kuwatisha wafalme wa dunia.