Zaburi - Sura ya 82

¹Mungu asimama katika kusanyiko la Mungu; Katikati ya miungu anahukumu.

²Hata lini mtahukumu kwa dhuluma, Na kuzikubali nyuso za wabaya?

³Mfanyieni hukumu maskini na yatima; Mtendeeni haki aliyeonewa na fukara;

⁴Mwokoeni maskini na mhitaji; Mwopoeni mikononi mwa wadhalimu.

⁵Hawajui wala hawafahamu, hutembea gizani; Misingi yote ya nchi imetikisika.

⁶Mimi nimesema, Ndinyi miungu, Na wana wa Aliye juu, nyote pia.

⁷Lakini mtakufa kama wanadamu, Mtaanguka kama mmoja wa wakuu.

⁸Ee Mungu, usimame, uihukumu nchi, Maana Wewe utawarithi mataifa yote.